Argentina futboli afsonasi Diyego Maradona «Napoli»ning argentinalik hujumchisi Gonsalo Higuainning «Yuventus»ga o‘tishi borasidagi fikrlarini bildirib o‘tdi.

«Higuainning to‘g‘ridan-to‘g‘ri raqobatchi bo‘lgan turinliklar jamoasiga o‘tayotgani haqidagi xabar qalbimni jarohatladi.

Lekin futbolchini ayblash o‘rinsiz. Har kim o‘zi uchun javob berishi kerak. Higuainni esa iloji boricha ko‘proq pul topish ilinjidagi semiz mushuklar o‘rab olgan.

Hech kim muxlislar haqida o‘ylamayapti. Ko‘rinishidan, yaxshi prezident bo‘lishdan ko‘ra, yaxshi pultopar bo‘lish afzalroq ko‘rilgan.

Men futbolchi ekanimda bunday ishlar yuz bermasdi. Afsuski, FIFA bunga e'tibor qaratmayapti», – degan Maradona.

Bundan oldinroq, «Napoli» muxlislari Higuainning «Yuventus»ga o‘tishiga norozilik belgisi sifatida uning futbolkasini yoqishgani haqida xabar berilgandi.

Higuain «Yuventus» 94,7 mln yevro evaziga transfer qilinmoqda. U Madridda turinliklar jamoasi uchun tibbiy ko‘rikdan o‘tgan. Uning yangi jamoasidagi maoshi yiliga 7,5 million yevroni tashkil qiladi.

Manba: Tribuna.uz