Fransiya politsiyasi Parij shimolidagi muhojirlar shaharchasidan noqonuniy muhojirlarni chiqarib tashladi. AFP agentligining ma'lum qilishicha, operatsiya erta tongda boshlanib, kechga borib yakunlangan. Bir kun davomida jami bo‘lib, 2600 kishi chiqarib yuborilgan.

Gap Yevropada muhojirlar inqirozi boshlangandan buyon o‘tkazilgan eng yirik operatsiya haqida ketmoqda. O‘tgan oyda ham Fransiya politsiyasi Parijdan 1800 nafar noqonuniy muhojirni chiqarib yuborgan edi.

Parij shimolida istiqomat qiluvchi aholining ma'lum qilishicha, shuncha tadbirlarga qaramay, muhojirlar yana qaytib kelishmoqda. Shahar shimolidagi Stalingrad metro bekatini yil boshidan beri politsiya xodimlari besh marta tartibga solishga urinib ko‘rdi.

U yerdagi muhojirlar sharqiy Afrika va Afg‘onistondan kelgan.