23 iyul tunida Rossiya poytaxti Moskvaning janubi-sharqida 8ta avtomashina yonib ketgan. Jabrlanganlar yo‘q, deya xabar qilmoqda TASS poytaxt IIBB matbuot markaziga asoslangan holda.
"Bugun tunda, Entuziastlar shossesi yonidagi 7 uyda 8ta mashina yonib ketgan. Ayni hodisa bo‘yicha surishtiruv ishlari olib borilayapti. Uning natijalariga ko‘ra, jinoiy ish qo‘zg‘atish qarori qabul qilinadi", - deyiladi xabarda.
Shahar politsiyasi mashinalar g‘arazgo‘ylar tomonidan yoqilgani ehtimolini rad etmayapti.
