Taniqli sartarosh va stilist Kris Tofferson uning doimiy mijozi hisoblanadigan fransiyalik yarim himoyachi Pol Pogbaning "Yuventus"ni tark etayotgani haqida xabar berdi.

"Pogbaning sochlari rangini uning yangi jamoasi uchun mos ko‘rinishga keltirdim", - deya yozgan Tofferson o‘zining "Instagram"dagi sahfiasida. U ko‘p o‘tmasdan bu fotoni o‘chirib yuborgan.

Bu vaqtda esa Fransiyadagi nufuzli nashrlardan biri hisoblanadigan L’Equipe Pogba faoliyatini "Manchester Yunayted"da davom ettirishi haqida xabar berdi.

Nashrda yozilishicha, yaqin vaqt ichida tomonlar shartnomani imzolaydi. Transfer qiymati 120 mln yevroni tashkil qilishi aytilgan.

Shundan so‘ng, futbolchiga "Real" tomonidan qiziqish davom etayotgani xabar qilindi.

Futbolchining o‘zi ayni vaqtda Mayamida ta'tilni o‘tkazmoqda.

Manba: Tribuna.uz