Mario Gyottsening «Bavariya»dan Dortmundning «Borussiya» jamoasiga qaytishi bo‘yicha jarayon yakunlandi.

Dortmundliklar klubi Germaniya terma jamoasi futbolchisini transfer qilgani haqida rasman ma'lum qildi.

Jamoa sobiq futbolchisi bilan 4 yillik shartnoma tuzgan. Uning transferi uchun 26 mln yevro to‘langan.

Avvalgi xabarlarda futbolchining Dortmunddagi maoshi miqdori 8 million yevro bo‘lishi aytilgandi.

Eslatib o‘tamiz, Gyottse «Borussiya»dan «Bavariya»ga 2013 yili 37 million yevro evaziga o‘tgandi. Gyottsening «Bavariya»dagi yillik maoshi miqdori 12 million yevro edi.

Manba: Tribuna.uz