Qozog‘iston savdo floti safi 2020 yilgacha 20ta yangi kema bilan kengayadi, deb xabar qilmoqda TASS agentligi "Qozog‘iston temir yo‘li" milliy kompaniyasi prezidenti Askar Mamin ma'lumotiga tayangan holda. 

"Qozog‘iston savdo floti uchun 2020 yilgacha 20ta kema quriladi", -degan Mamin  bir palubali, quruq yuk tashishga mo‘ljallangan RSD 49 rusumli, daryo-dengiz aralash turidagi kemani suvga tushirish tantanali marosimida qilgan chiqishida. 

KTZ Express Shipping kompaniyasining yirik miqdordagi buyurtmasini Neva kemasozlik va ta'mirlash zavodi amalga oshirmoqda. 

Maminning so‘zlariga ko‘ra, yangi avlod savdo flotini barpo etish "Qozog‘istonni Osiyo tranzit markaziga aylantirish dasturi doirasida amalga oshirilmoqda".

"Ipak yo‘li" turidagi kemalar konteynerlar, qurilish va boshqa yuklarni Kaspiy dengizidagi Oqtou portidan O‘rta yer, Qora, Shimoliy va Boltiq dengizlarga yetkaza oladi. 

Ushbu loyihadagi yana ikkita kema yil oxirigacha buyurtmachiga topshiriladi.