Change.org saytida chop etilgan, futbol bo‘yicha Rossiya terma jamoasini tarqatib yuborish haqidagi arznoma 200 mingdan ko‘proq imzo to‘pladi.

Tashabbus muallifi milliy terma jamoaning amaldagi tarkibini ishonchni oqlay olmagani uchun tarqatib yuborish va yangi o‘yinchilarni yig‘ishga hamda "tejab qolingan" pullarga futbol maydonlari qurib, o‘sib kelayotgan avlod bilan shug‘ullanishga chaqirmoqda.

Rossiya terma jamoasi Yevro-2016 musobaqasida nursiz o‘yin namoyish qilib, o‘z guruhida bitta durang va ikkita mag‘lubiyatga uchrab, oxirgi o‘rinni egalladi. Bunday muvaffaqiyatsiz ishtirokdan keyin jamoa bosh murabbiyi Leonid Slutskiy iste'foga ketdi.