«Krasnodar» jamoasi bosh direktori Vladimir Xashig jamoa yarim himoyachisi Pavel Mamayev ishtirokidagi video bo‘yicha bayonot bilan chiqdi.

«OAVda jamoa futbolchisi Pavel Mamayev ishtirokida tarqalgan bu video bo‘yicha munosabat bildirmoqchimiz: Biz bunday xatti-harakat buzuqilik va «Krasnodar»futbolchisi uchun nojo‘ya harakat deb baholaymiz.

O‘zaro shartnomada ko‘rsatilganidek intizomiy va moliyaviy xarakterdagi choralar ko‘riladi. Ayni vaqtda Pavel Mamayev «Krasnodar»ning yoshlar jamoasiga o‘tkazilgan. Shuningdek, jarima qo‘llaniladi», – degan Xashig.

Eslatib o‘tamiz, bundan oldinroq rus nashrlari Mamayev va Kokorin Monte-Karloda bir kechada shapman uchun 250 ming yevro sarflagani haqida xabar qilishgandi.

Manba: Tribuna.uz