Avstraliyada yangi "Tor: Ragnaryok" filmining suratga olish ishlari boshlandi, deb xabar bermoqda Entertainment Weekly. Bu Marvel studiyasining superqahramoniga bag‘ishlangan uchinchi film bo‘ladi. Filmning avvalgi qismlari 2011 va 2013 yillarda chiqqan. Yangi qismda ham bosh rolni avvalgi qismlarda suratga tushgan aktyor Kris Xemsvort ijro etadi.

Marvel hamprezidenti Luis D'Espozito yangi film ustida ishlayotgan suratga olish guruhiga omad tiladi. 

Yangi filmning rejissyori Tayka Vaytiti suratga olishning boshlanishiga izoh berib, tvitterda hazilomuz suratni chop etdi, unga ko‘ra suratga olishning birinchi kuni hech kim ishga chiqmagan.

Filmda shuningdek aktyorlar Tom Xiddlston, Idris Elba, Keyt Blanshett, Jyeff Goldblyum, Mark Ruffalo, Karl Urban, Entoni Xopkins ham rollar ijro etishadi. Film 2017 yil kuzida ekranlarga chiqarilishi kerak.

2015 yil oxirida "Tor" superqahramonlari filmining sikvelida bosh yovuz ayol kishi bo‘lishi ma'lum qilingandi.