«Barselona» jamoasining Luis Enrike boshchiligidagi murabbiylar shtabi va jamoa sport direktori Robert Fernandes jamoaning hujum chizig‘idagi strategiyaning kelgusi holati haqida o‘ylashmoqda.
El Mundo Deportivo xabariga ko‘ra, Luis Enrike yangi mavsum oldidan hujumchi sotib olinishini istamoqda. Lekin olinadigan futbolchi zaxirada o‘tirishga rozi bo‘lishi talab etiladi. Kataloniyaliklar klubi Messi – Neymar – Suares uchligiga o‘rinbosar sifatida futbolchilar tayyorlab borishni ko‘zlamoqda.
Bundan oldinroq, jamoaga «Palmeyras» hujumchisi Gabriel Jyezus jalb etilishi mumkinligi haqida xabarlar berilgandi.
Jamoa prezidenti Bartomeu esa bu yosh futbolchi haqida iliq fikrlar bildirib o‘tgan.
