Avstraliyada AQSh prezidenti lavozimiga nomzod Donald Trampning bosh qismiga o‘xshash kulchalar yopildi. Mashable portalining ma'lum qilishicha, pishiriqni Doughnut Time tarmog‘i o‘ylab topdi.

"Agar Donald Trampning 2016 yilda AQSh prezidenti etib saylanishi uncha "ishtahali" tuyulmasa, ehtimol, Trampning "yesa bo‘ladigani" sizga ko‘proq xush kelar?", deb yozmoqda nashr. 

Tramp ko‘rinishidagi kulcha AQShda 4 iyulda Mustaqillik kuni sifatida nishonlanadigan milliy bayramga atab chiqarilgan. Pishiriqda siyosatchining mashhur soch turmagi va milliy bayram nomiga kinoya qilinib, u Hair Dependence Day (Sochga bog‘liqlik kuni) deb ataldi.  

Avvalroq Tramp Marvel olamida superyovuz etib talqin qilingani ma'lum qilingandi.