Qutqaruvchilar Rossiya FVVga qarashli bo‘lgan va Irkutsk viloyatida halokatga uchragan Il-76 samolyoti ekipaj a'zolarining jasadlari qoldiqlarini topishdi. Bu haqda tezkor shtab xabar bergan.
Bundan tashqari, bir dona “qora quti” ham topilgan. Boshqa bir ma'lumotlarga ko‘ra, ekipajning to‘rt nafar a'zosining jasadi topilgan. Shtabning ma'lum qilishicha, 10 kishidan iborat ekipaj a'zolarining barchasi halok bo‘lgan.
«Il-76 halokatga uchragan joyda olib borilgan qidiruv ishlarida halok bo‘lganlarning jasad qoldiqlari va ikkita “qora quti”dan bittasi topilgan. Qidiruv ishlari davom ettirilmoqda», — dedi shtab vakili.
Avvalroq samolyotning halokatga uchragani rasman tasdiqlangan edi.

Suratlar TASS.