2016 yil yanvar-may oylarida, O‘zbekistonning korxona va tashkilotlari 3,15 mingdan ortiq xorijiy fuqaroni ishga yollagan, deb ma'lum qildi Tashqi mehnat migratsiyasi agentligi rahbari Ulug‘bek Nazarov.

Uning so‘zlariga ko‘ra, agentlik xorijlik mutaxassislarni O‘zbekistonga jalb etish bilan shug‘ullanadi. 

Xususan, 2015 yili 7813 ta mehnat qilish uchun ruxsatnoma olish va xorijiy ishchilarni jalb etishga oid ariza ko‘rib chiqilgan. 

Ulugbek Nazarovning aytishicha, respublikaning 1469 ta korxonasida, bugungi kunda 6344 xorijlik fuqaro, bevosita agentlik ruxsati asosida mehnat qilmoqda. 

Agentlikning ma'lumotlariga ko‘ra, xorijiy mutaxassislar asosan, O‘zbekistonning yirik investitsiya loyihalarini amalga oshirish uchun jalb etiladi.