Angliya premer ligasida qatnashuvchi Londonning «Uotford» klubi jamoa hujumchisi Odion Igaloni Xitoy chempionatiga qo‘yib yubormadi. Igalo uchun Xitoyning «Shanxay Telleys» jamoasi 37,5 million funt taklif qilgan edi. Biroq ingiz klubi rahbarlari taklifni rad etishdi.

O‘tgan mavsumda Igalo Angliya chempionatida 37 o‘yinda qatnashib, 16ta golga mualliflik qilgan.

Nigeriyalik ushbu futbolchining Transfermarkt.de saytida keltirilgan transfer qiymati 12 mln yevro.

Qayd etish kerakki, xitoyliklar jamoasi Igaloga 1 yildan buyon tinimsiz takliflar berib keladi. Futbolchiga oyiga 300 ming yevrogacha maosh taklif etilgan, ammo futbolchi bolalik orzusi bo‘lgan APLni pulga almashmasligini bildirgan.