Rossiyaning Ingushetiya Respublikasida yashovchi 10 yashar Islom Gatiyev mamlakatga iqtisodiy yordam ko‘rsatish maqsadida o‘zi yig‘ib qo‘ygan 3 ming rublni Vladimir Putin qabulxonasiga jo‘natdi. Bu haqda Ingushetiya Respublikasi hukumati matbuot xizmati xabar bermoqda.

Islom prezidentga aprel oyida bo‘lib o‘tgan “to‘g‘ridan-to‘g‘ri muloqot” chog‘idan keyin maktub yozishga qaror qildi. U mamlakatdagi krizisning oldini olish uchun Putinga o‘zi yiqqan 3 ming rublni taqdim etmoqchi bo‘ldi.

Respublika hukumati matbuot-xizmatining ma'lum qilishicha, Rossiya prezidenti maktubga e'tibor qaratgan va o‘z shaxsiy imzosi bilan fotosuratini jo‘natgan.
Bolakayning pullari qaytarilgan va unga qo‘shib planshet va vilosiped sovg‘a qilingan.