Rossiya hukumati raisi Dmitriy Medvedev, javob sanksiyalari muddatini 2016 yil 6 avgustidan 2017 yil 17 dekabriga qadar uzaytirish to‘g‘risidagi qarorni imzoladi. Bu haqda, Rambler News Service xabar qilmoqda.
Unga ko‘ra, AQSh, YeIga a'zo mamlakatlar, Kanada, Avstraliya, Norvegiya, Ukraina, Albaniya, Chernogoriya, Islandiya va Lixtenshteyndan qishloq xo‘jaligi mahsulotlari, xom-ashyo va oziq-ovqat mahsulotlari olib kirishga joriy qilingan taqiq muddati bir yildan ko‘p vaqtga uzaytirilgan.
Avvalroq, YeI 1 iyul kuni Rossiyaga nisbatan jazo choralarini 2017 yil 31 yanvarigacha uzaytirishga qaror qilgani haqida xabar qilingan edi.
Medvedevning bayonotiga ko‘ra, taqiq mahsulotlari ro‘yxati o‘zgarmagan.
