Asosiy muxolif kuch hisoblanmish Mo‘g‘uliston xalq partiyasi (MXP) respublikada o‘tgan parlament saylovlarida g‘olib bo‘ldi. MXP rahbari Miyeegombyn Enxboldning ma'lum qilishicha, uning partiyasi mamlakat parlamenti – Buyuk davlat xuralidagi 76 o‘rindan 63 tasini egallagan.

"MXPdan nomzodlar 76 ta saylov okrugidan 63 tasida muvaffaqiyatga erishishdi", - deb uning so‘zlaridan iqtibos keltiradi MONTsAME axborot agentligi. "Biz sizning ishonchingiz ulkan mas'uliyat ekanligini tushunamiz", - deb murojaat qildi Enxbold saylovchilarga. "Partiyamiz ishonchingizni oqlaydi, iqtisodiy o‘sishni qayta tiklashni kuchaytiradi va ijtimoiy faravonlikni dunyo darajasiga olib chiqadi", - dedi u.

Hukmron Mo‘g‘uliston Demokratik partiyasi rahbari Zandaaxuugiyn Enxboldning ma'lum qilishicha, u “xalq tanlovini hurmat qiladi” va MXPga omad tilaydi.

Eslatib o‘tamiz, Mo‘g‘ulistonda parlament saylovlari 29 iyunda o‘tkazilgan edi.