Qutqaruvchilar XXR markaziy Xenan provinsiyasidagi alyumin zavodida uskunaning qulashi oqibatida vayronalar ostida qolib ketgan yana 2 kishining jasadini olib chiqishgan. Shu bilan baxtsiz hodisa oqibatida hayotdan ko‘z yumganlar soni 10 nafarga yetdi. Mamlakat markaziy televideniyesi xabariga ko‘ra, yana 2 kishi bedarak yo‘qolgan hisoblanmoqda. 
Hodisa 22 iyun kuni zavod maydonlaridan birida uskunalarni yechib olish vaqtida yuz bergan. Korxonaning 8 nafar xodimi tan jarohati olgan. Ulardan ikki nafarining ahvoli o‘ta og‘irligi aytilmoqda. 
Aluminum Corporation of Chinaga tegishli zavodda politsiya fojia sabablarini o‘rganmoqda. Avvalroq, bir kishi qo‘lga olingani ham xabar qilingan edi.