Barchamizga ma'lum, nufuzli futbol musobaqalardagi bahs boshlanishi oldidan o‘tkaziluvchi madhiya ijrosi paytida milliy terma jamoa vakillari maydonga yosh bolalar bilan birga chiqib kelishadi. Bu ko‘hna an'ana zamirida sportdagi avlodlar almashinuvi ketma-ketligi falsafasi yotadi.

Yosh futbolchilarning maydonga chiqishi, ular va minglab tengqurlarini mashg‘ulotlarda tinimsiz shug‘ullanib milliy terma jamoa libosini kiyishga intilishlari uchun omil bo‘lib xizmat qilishi aniq. Bundan tashqari, bolalarni shu yo‘l bilan mahobatli stadion va minglab muxlislar e'tiborida bo‘lib o‘zini yo‘qotib qo‘ymaslikka ham o‘rgatishadi.

Elmurod Ermatov.