AQShning Kaliforniya shtatida kuchli yong‘in sodir bo‘ldi, u Los-Anjyeles markazidan shimoli-g‘arbga qarab tez tarqalib ketdi. Bu haqida CBS Los Angeles xabar berdi. 

Hududiy Yong‘in xizmati departamentining ma'lumotiga ko‘ra, olovning balandligi ba'zi joylarda 15 metrgacha yetgan. 

Yong‘in sodir bo‘lgan joy yaqinidagi uchta hududda yashovchi taxminan 500 nafar kishi o‘z uylarini tark etishgan. Mahalliy hukumat vakillari boshqa aholi punkatlariga ham vaqtinchalik uylarini tark etishni tavsiya qilishdi. 

Yong‘inni o‘chirish ishlariga vertolyotlar jalb qilinib, ularda 250dan ortiq yong‘in xizmati xodimlari ishtirok etishdi. Tabiiy ofatdan zarar ko‘rgan kishilar uchun Qizil Xoch evakuatsiya markazi tashkil etildi, shu bilan birga kichik va katta jonivorlar uchun boshpanalar ochildi.

Dastlabki taxminlarga ko‘ra, yong‘in avtomobilning elektr uzatish liniyalari to‘qnashuvi natijasida yuzaga kelgan.