Facebook rahbari Mark Tsukerberg Facebook Live orqali qilgan translyatsiyasida reptiloid (kaltakesaksimon) emasligini ma'lum qildi. Bu haqda Gizmodo xabar bermoqda.

Translyatsiya vaqtida o‘tgan savol-javob vaqtida foydalanuvchilardan biri Tsukerberg va boshqa milliarderlar odamlarga o‘xshab ketuvchi ulkan kaltakesaklarni eslatib yuborishi ma'nosida savol bergan. Translyatsiya vaqtida guvoh bo‘lganlarning so‘zlariga ko‘ra, bu savoldan so‘ng Tsukerberg qattiq asabiylashgan.

“Xo‘shsh... Men, men “yo‘q”, deyishga majburman. Men kaltakesak emasman”, - deb javob qaytargan Tsukerberg.

U tomonidan taqdim etilgan translyatsiyani 6 mln ga yaqin kishi kuzatib borgan. U to‘rt soat davomida o‘nlab savollarga javob qaytargan va komik Jyerri Saynfeld bilan muloqot qilgan.