O‘zbekiston milliy terma jamoasi JCh-2018 turnirining 3-saralash bosqichi arafasida Iroq terma jamoasiga qarshi o‘rtoqlik uchrashuvi o‘tkazadi. Bu haqda FIFA rasmiy saytining O‘zbekiston futbol federatsiyasiga ajratilgan sahifasida ko‘rsatilgan.

FIFA saytida keltirilgan ma'lumotlarga ko‘ra, uchrashuv shu yilning 24 iyul kunida Toshkent shahrida bo‘lib o‘tishi rejalashtirilgan.

O‘zbekiston futbol federatsiyasi rasmiy saytida ushbu o‘yin haqida hozircha hech qanday xabar berilmadi.

Shuningdek, FIFA ma'lumotida O‘zbekiston 24 avgust kuni Yamanga qarshi, 10 noyabr kuni esa Iordaniyaga qarshi o‘rtoqlik uchrashuvida maydonga tushishi ko‘rsatilgan.