Rossiya prezidenti Vladimir Putin 20 iyun kuni Sankt-Peterburgda Armaniston va Ozarbayjon prezidentlari Serj Sargsyan va Ilhom Aliyev  bilan uchrashuv o‘tkazadi. Bu haqida  Rossiya prezidenti yordamchisi Yuriy Ushakov ma'lum qilgan.

Qayd etilishicha, uchrashuv doirasida tomonlar Tog‘li Qorabog‘ ziddiyatlarini hal etish masalalarini muhokama qilishadi.  

«20 iyun kuni Rossiya, Armaniston va Ozarbayjon prezidentlari o‘rtasida Tog‘li Qorabog‘ ziddiyatlarini hal etish masalalari bo‘yicha uch tomonlama muzokaralar olib boriladi», — deya qayd etdi Ushakov.

Shuningdek, ma'lum bo‘lishicha, Putin avvaliga ular bilan alohida uchrashadi, so‘ngra uch tomonlama muzokaralar bo‘lib o‘tadi.