Sentyabrda Qirg‘iziston poytaxti Bishkek shahriga ShHT davlatlarining moliya vazirlari yig‘iladi va ShHT taraqqiyot bankini tashkil etish masalasi muhokama qilinadi. Bu haqda Qozog‘iston TIV rahbari Yerlan Idrisov ma'lum qilgan.
U ShHT doirasida savdo va iqtisodiy sohalarni rivojlantirish borasida ko‘plab rejalar mavjudligini qayd etgan. Tashkilot a'zolari o‘zaro hamkorlik doirasida Taraqqiyot bankini tashkil etish ustida jiddiy ish olib borishi aytilgan.