«Davlat organlarini tanqid qilaylik, lekin boshqa davlatlar bilan o‘zimizni taqqoslab ko‘rib, tanqid qilsa-chi?», - dedi Qirg‘iziston prezidenti Almazbek Atambayev milliy radiostansiyalardan birining rahbari bilan bo‘lgan uchrashuvda.
 
Prezident radiokompaniya rahbariyatini Radio va aloqachilar kuni bilan tabriklagan. Almazbek Atambayev radio boshqa OAVlardan o‘zining tezkorligi hamda keng qamrovliligi bilan ajralib turishini ta'kidlab o‘tgan.
 
Davlat rahbari jamiyat madaniyatining darajasini oshirishda hamda kuchli va farovon davlat qurish sabablarini targ‘ib qilishda radioning o‘rni beqiyos ekanligini ta'kidlab o‘tgan. «Sizlardan bir iltimos – to‘g‘risini gapiring va vataningizni seving. Sizning tinglayotgan har bir kishi so‘nggi besh yil ichida Qirg‘izistonda amalga oshirilgan ishlarni eshitib, faxrlanishi zarur», - dedi Almazbek Atambayev.