Amerikalik aktyor Jon Malkovich Kann kinofestivaliga “100 yil – siz hech qachon ko‘ra olmaydigan film” nomli kartina lentasi solingan seyfni olib keladi. Bu haqda NME xabar berdi.

Aktyor kartinani 100 yildan so‘ng namoyish etmoqchi. Film premerasi 2115 yilning 18 noyabriga mo‘ljallangan. 

Kartina rejissyori – Robert Rodriges (“Gunohlar shahri”, “Josuslarning farzandlari”). 

Hozircha film maxsus seyfda saqlanadi. U 100 yildan keyin avtomatik ravishda ochiladi. Shu tariqa, uning xavfsizligini ta'minlash rejalashtirilgan. 

Kann festivali direktori Terri Fremo ushbu sirli lentani “innovatsion kinematografik loyiha” deb atadi va kelgusi avlod filmni 2116 yilda “Oltin palma novdasi”mukofotiga tavsiya etishi taxmin qilingan.