Nigeriya sohillari yaqinida jangarilar AQShning Chevron kompaniyasiga tegishli neft platformasiga hujum qilishdi, deb xabar bermoqda Reuters axborot agentligi.
Ta'kidlanishicha, hujum Nigeriyaning neft qazib olish markazi hisoblanadigan Niger daryosi deltasidagi Varri shahri yaqinida joylashgan Eskravos terminalidan 70 km uzoqlikda yuz bergan.
Ushbu hujum uchun javobgarlikni "Niger deltasi qasoskorlari" guruhi o‘z zimmasiga oldi. Dastlabki zarar miqdori ma'lum qilinmagan.
