Italiya A Seriyasining 36-turida «Jyenoa» Rimning «Roma» jamoasini qabul qildi.
2 may kuni Genuya shahridagi «Luidji Ferraris» stadionida o‘tkazilgan uchrashuv mehmonlarning 3:2 hisobidagi g‘alabasi bilan yakunlandi. O‘yinning 6-daqiqasida Muhammad Saloh mehmonlarni oldinga olib chiqdi. Mezbonlar safida Panayotis Taxtsidis hisobni tenglashtirdi. Leonardo Pavolettining goli esa hisobni 2:1 ko‘rinishiga keltirdi. O‘yinning 59-daqiqasida zaxiradan maydonga tushirilgan 39 yoshli Franchesko Totti 77-daqiqada hisobni tenglashtiruvchi gol muallifi bo‘ldi. Stefan Al-Sha'roviy esa 87-daqiqada g‘alaba to‘pini kiritdi.
Qayd etish kerak, Tottining maydonga tushishi ketma-ket to‘rtinchi o‘yinda «Roma»ga muvaffaqiyat keltirdi. U avvaliga «Atalanta» bilan o‘yinda bir gol urib, jamoasini mag‘lubiyatdan qutqarib qolgan bo‘lsa, keyinroq «Torino» bilan o‘yinda dubl qayd etib, «Roma»ga 3 ochko taqdim etdi. «Napoli»ga qarshi markaziy o‘yinda esa, Totti maydonga tushgachgina rimliklar g‘alaba golini nishonladi. Shuningdek, Totti «Bolonya» maydonida kechgan o‘yinda zaxiradan o‘yinga qo‘shilib, «Roma»ga 1 ochko keltirgan golga mualliflik qilgandi.
Shu tariqa, Rim klubi ochkolari sonini 74 taga yetkazib oldi. 36-turning so‘nggi o‘yinida «Napoli» «Atalanta»ni yengib, ikkinchi o‘rinni saqlab qoldi.
«Jyenoa» 53 ochko bilan 12-o‘rinni egallab turibdi.
Keyingi tur uchrashuvini «Roma» 8 may kuni o‘z maydonida «Kevo»ga qarshi o‘tkazadi, «Jyenoa» esa shu kuni «Sampdoriya» maydoniga safar qiladi.
Jyenoa - Roma - 2:3 (1:1)
Gollar: Saloh 6 (0:1). Taxtsidis 13 (1:1). Pavoletti 65 (2:1). Totti 77 (2:2). Al-Sha'roviy 87 (2:3).
Jyenoa: Lamanna, Burdisso, Itstso, Fyamotstsi (Kapel, 71), Munos, Laksalt, Jamayli, Taxtsidis (Markeze, 62), Rinkon, Pavoletti, Suso (Pandev, 82)
Roma: SHCHesni, Ryudiger, Maykon (Jyeko, 66), Manolas, Din, Saloh (Zukanovich, 88), Al-Sha'roviy, Strotman, Naynggolan, De Rossi, Perotti (Totti, 60)
Ogohlantirishlar: Rinkon, 73; Laksalt, 79; Markeze, 90 - Totti, 72; De Rossi, 83; Strootman, 90.
