Rio Tinto konserni (Avstraliya-Britaniya) xodimlari Janubiy Avstraliya Argayl shaxtasida o‘ta kamyob binafsharang olmos topib olishdi. 

Kim oshdi savdosida uning narxi to‘rt million dollardan oshishi mumkin, deb xabar bermoqda RIA Novosti. 

“Binafsharang Argayl” nomi bilan mashhur bo‘lmish ushbu brilliantning og‘irligi 2,83 qirotga teng (bir qirot – taxminan 0,2 grammga teng, tahr.). 

Argyle pink diamonds kompaniyasining har yillik kim oshdi savdosida bu qimmatbaho tosh eng diqqatga sazovor buyum bo‘lishi kutilmoqda. Uning aniq narxi hali belgilanmagan. Biroq mahalliy nashrlarga ko‘ra, xaridorlar binafsharang Argayl uchun har qirot uchun bir milliondan 2 million dollargacha to‘lashga tayyor. 

Rio Tinto ma'lumotiga asosan, shaxtadagi 32 yillik mehnat davri mobaynida har yillik kim oshdi savdolarida bor-yo‘g‘i 12 qirot qayta ishlangan binafsharang olmos taqdim etishga muvaffaq bo‘lgan, xolos.