Mo‘g‘iliston poytaxti Ulan-Batorda beg‘araz maqsadda pullar tarqatilishi katta olomon to‘planishiga va hattoki mushtlashuvga olib keldi, deb xabar bermoqda FashSiberia agentligi.

Agentlik ma'lumotlariga ko‘ra, voqea 1 mayda yuz bergan: Ulan-Batorda Mercedes avtomobilidagi noma'lum kishilar shahar markazi bo‘ylab harakatlanib, barcha istovchilarga 10-20 ming tugrik (milliy valyuta) qiymatidagi  pullarni tarqatishgan. Bu pullar taxminan 5 va 10 dollarni tashkil qiladi.

Odamlar mashina ortidan yugurgilab, olomon vujudga keltirganlar, bir necha kishi esa pullarni olish ilinjida mushtlashib ketgan. Ta'kidlanishicha, pullar haqiqiy bo‘lgan.

Bunday "sahiylikni" kim amalga oshirgani noma'lumligicha  qolmoqda.