Norvegiya qirg‘oqlari yaqinida qulagan vertolyotning yo‘lovchilariga tegishli bo‘lgan jasad qoldiqlari aniqlangan. Bu haqda mahalliy politsiyaga asoslangan holda Reyter agentligi xabar tarqatgan.

Bundan oldinroq, politsiya Bergen shahridan g‘arbdagi hududda Shimoliy dengizdagi neft platformasiga ishchilarni olib ketayotgan vertolyot qulab tushgani haqida ma'lumot bergandi. Uning bortida kamida 14 kishi bo‘lgani aytilgan.

Politsiya vakili Morten Kronen vertolyotning qulab, parchalanib ketgani haqida aytgan. Shuningdek, qulashdan so‘ng portlash sodir bo‘lgani ma'lum qilingan. Qulashdan oldin dengizga odamlar tashlangani haqida ma'lumotlar bor.

Qayd etilishicha, bu hodisa Turoy orolidan uzoq bo‘lmagan hududda sodir bo‘lgan.