Shahzoda yaqinda “O‘zbegim” nomli qo‘shig‘i taronasini muxlislarga taqdim etgan edi. Qo‘shiqqa “BenomMedia” tomonidan klip suratga olingan bo‘lib, ayni damda internetning ko‘plab saytlari orqali muxlislar e'tiboriga havola etilmoqda.

Qo‘shiq musiqasi, uning aranjirovkasi ustida “Benom” guruhi xonandalari Sarvar va Komil ish olib borgan. Klip syujyeti mustaqilligimiz bergan ulug‘ ne'matlar, bugungacha har sohada erishib kelayotgan yutuqlarimiz va yoshlarning kelajak sari odimlayotgani ifodalangan. Faxr va iftixor tuyg‘usi bilan yozilgan qo‘shiq matni shoir Iqbol Mirzoga tegishli.