«Arsenal» bosh murabbiyi Arsen Venger jamoaning Angliya chempionatidagi ishtirokiga baho berib o‘tdi.

«Agar vaziyatga obektiv ko‘z bilan baho beradigan bo‘lsak, bu yil yetakchi klublarga qarshi o‘ynashda eng yaxshi natijani biz qayd etdik. Ammo kuchsiz klublarga qarshi kurashda bosim ostida qoldik. Futbolchilarimga bir gapni takrorlashdan charchamayman - bizning vazifamiz har bir o‘yinda oxirgi soniyaga qadar kurashish.

Biz hujumkor jamoamiz. Katta jamoa bo‘lish uchun «Biz faqat himoyalanishni istaymiz» naqli bilan o‘ynash yaramaydi. Biz o‘z mas'uliyatimizni to‘g‘ri tushunamiz va o‘z vazifalarimizni bajaramiz.

Biz o‘yin sifatini oshirishda davom etishimiz kerak. Buning uchun o‘yin uslubimizni o‘zgartirishimiz shart emas. Shunchaki uslubni rivojlantirib, ijroni yaxshilashimiz kerak», — deydi Venger.

«Arsenal» ayni vaqtda, 33-turdagi uchrashuvini o‘tkazmagani holda 59 ochko bilan 4-o‘rinni egallab turibdi. Bugun londonliklar ligada jon saqlab qolish uchun kurash olib borayotgan «Kristal Pelas»ga qarshi maydonga tushadi. «Arsenal»ning keyingi turlardagi raqiblari «Sanderlend» va «Norvich» ham xavfli zonadan chiqishga urinmoqda.