Rossiyalik mashhur aralash yakkakurash jangchisi Fedor Yemelyanenko 17 iyunda Sankt-Peterburgda navbatdagi jangini o‘tkazadi. Bu haqda 14 aprelda ma'lum bo‘ldi. Sportchining raqibi kim bo‘lishi hozircha ma'lum qilinmagan, biroq taxmin qilinishicha, Yemelyanenko yakkakurash katta kechasi doirasida ringga ko‘tariladi.

Yemelyanenko sport faoliyatini 3,5 yillik tanaffusdan keyin yana boshladi. 2015 yil 31 dekabrda yakkakurashchi Yaponiyada o‘tkazilgan jangda hind jangchisi Jaydip Singxni mag‘lub etgandi.