Suriya fuqarolarining mamlakat qonun chiqaruvchi organi uchun saylovlarda ishtirok etishlari uchun ovoz berish punktlari ochildi, deb xabar qilmoqda SANA (Suriya arab axborot agentligi) agentligi.
7 mingdan ortiq saylov uchastkalari ertalab, mahalliy vaqt bilan soat 7dan (Toshkent vaqti bilan soat 9:00) faoliyatini boshlagan.
Saylov uchastkalari kechki soat yettigacha saylovchilarni qabul qiladi. Ovoz berish jarayoni, markaziy saylov komissiyasi qaroriga ko‘ra, soat 5:00da yakunlanishi mumkin.
Mazkur siyosiy jarayonni yoritish maqsadida Damashqdagi Sheraton mehmonxonasida media-markaz ham tashkil etilgan.
AQSh davlat departamenti matbuot kotibi Mark Toner Suriya parlamenti uchun saylovlarni mamlakatdagi vaziyatni hisobga olganda, noo‘rin o‘tkazilayapti, deb hisoblagan edi.