O‘zbekiston Xalq demokratik partiyasi Toshkent shahar kengashi tomonidan ma'naviy-ma'rifiy tadbir o‘tkazildi. Bu haqda “O‘zA” xabar bermoqda. 

– Mamlakatimiz mustaqil taraqqiyot yo‘lida qanday ulkan yutuq va marralarga erishgan bo‘lsa, barchasi yurtimizdagi tinch va osuda hayot, millatlar va fuqarolararo totuvlik, o‘zaro mehr-oqibat va hamjihatlikda amalga oshirilayotgan ezgu sa'y-harakatlar samarasidir, – deydi O‘zbekiston Xalq demokratik partiyasi Toshkent shahar kengashi raisi o‘rinbosari N.Yo‘ldosheva.

Tadbirda yosh avlodni zararli diniy oqimlar, ekstremistlar ta'siriga tushib qolishdan saqlash, ularni bilimli, vatanparvar va har tomonlama yetuk insonlar etib tarbiyalash borasidagi ishlarni yanada kuchaytirish bo‘yicha fikr almashildi.