20 kg.li 55 litrli bir dona maishiy gaz ballonlar narxi yetkazib berilayotgan manzilning yo‘l xarajatlariga bog‘liq bo‘lib, bu 7 ming so‘mdan 13 ming so‘mgacha farq qiladi. Bu haqda “O‘ztransgaz” AKning axborot xizmati xodimi Azamat To‘rayev ma'lumoti asosida “Darakchi” nashri yozmoqda.

— Qashqadaryo viloyatining o‘zidan gaz ishlab chiqarilishini inobatga olsak, bu hududda yetkazib berilayotgan bir dona maishiy gaz ballonlar narxi 7 ming so‘mni tashkil etadi, — deydi Azamat To‘rayev. — Agar Respublikamizning olis hududlarini nazarda tutadigan bo‘lsak, yo‘l xarajatlari hisobidan bir dona maishiy gaz balloni narxi 13 ming so‘mgacha bo‘ladi.

Ma'lumot uchun: 2014 yilda Respublika hududida 20 ta suyultirilgan gaz to‘ldirish shoxobchalari (GTSh) ishga tushirilgan 2015 yilga kelib ular soni 14 taga ko‘paydi.