Yecup 365 – bu foydalanuvchi tomonidan o‘zi xohlagan haroratda unga quyilgan ichimlikni saqlab turuvchi, isituvchi va sovituvchi aqlli qadah-termos hisoblanadi.

Uning boshqaruvi Android va iOS smartfonlariga o‘rnatilgan mobil dastur orqali Bluetooth yordamida amalga oshiriladi. Maksimal isitish harorati 70 °C va minimal - 10 °C tashkil etadi. Isitish va sovutish tizimi 10000 mAs sig‘imiga ega bo‘lgan o‘rnatilgan akkumulyator yordamida ishlaydi. Akkumulyatorning to‘liq quvvatida aqlli qadah 3 soatdan 8 soatgacha ishlay oladi va hattoki undan boshqa gadjyetlarni quvvatlash uchun ham foydalanish mumkin.

Qadah-termosning korpusi zanglamaydigan metalldan yasalgan bo‘lib, unda qurilma qanday rejimda (isitish, sovitish yoki zaryad olish) ishlayotganini ko‘rsatib turuvchi indikator mavjud. Qurilmaning shu xususiyatlariga asosan sovuq va issiq kunlarda sizning ideal sherigingiz bo‘lishi mumkin.

Gadjyet ichimliksiz 350 grammni tashkil etadi, hamda uning 354 va 414 ml sig‘imdagi variantlari taklif etilmoqda. Minimal narxda oldindan buyurtmani Indiegogo saytida 114 dollar evaziga amalga oshirish mumkin.