Britaniyalik yozuvchi Joan Rouling Garri Potter sarguzashtlari to‘g‘risida birinchi ikki kitobini yozgan stul yana kim oshdi savdosiga qo‘yildi. Bu haqda Sky News xabar berdi.
Savdo Nyu-Yorkda bo‘lib o‘tadi. Taxminlarga ko‘ra, stul uchun 65 ming dollar to‘lashga tayyor xaridorlar bor. Uni sotib olishga kim muvaffaq bo‘lishi ertaga, 6 aprel kuni ma'lum bo‘ladi.
Rouling qizi bilan yolg‘iz moddiy qiyinchiliklarda Edinburgda yashagan paytlari unga turli xil to‘rtta stul hadya qilishgan. Muallifning so‘zlariga ko‘ra, aynan shu stul eng qulayi bo‘lgan.
2002 yili yozuvchi stulni xayriya auksioniga sovg‘a qiladi. 2009 yili stul yana 29,1 ming dollarga sotilgan.
