Kataloniyaning «Barselona» klubi YeChLga qarshi Yevropa yetakchi klublari Superligasini tuzish taklifini qo‘llab-quvvatlashini ma'lum qilgan.

La Vanguardia nashri bergan ma'lumotga ko‘ra, Yevropa klublar Assotsiatsiyasi hozircha bu borada UYeFA bilan ochiq muloqotga kirishishni istamayapti. Ammo Yevropaning eng mashhur klublari Chempionlar Ligasining hozirgi hozirgi ko‘rinishidan qoniqishmayapti.

Ularning fikricha, koeffitsiyenti past bo‘lgan mamlakat chempionati vakillarining musobaqada ishtirok etishi raqobatni va TV tomonidan bo‘lgan e'tiborning pasayishiga sabab bo‘ladi.

«Biz klublarning o‘zi nazorat qiladigan Yevroliga tuzishimiz kerak. Hozir jamoalar juda ko‘p jihatdan FIFA va UYeFAga bog‘lanib qolishgan. Shunday ekan, bu kabi turnirlarni tashkil qilish bizning bosh maqsadimiz bo‘lishi kerak», – deya ta'kidlagan «Barselona»ning moliya ishlari bo‘yicha vitse-prezidenti Syuzana Mone.

Eslatib o‘tamiz, Superliga xuddi MBA va MFL kabi yopiq tizimda tashkillashtirilishi reja qilingan.