Samarqand davlat chet tillar institutida 8-mart – Xotin-qizlar bayrami munosabati bilan “8 mart—go‘zallik va nafosat bayrami” deb nomlangan kecha o‘tkazildi.

Bayram tadbirini institut rektori G‘.Rahimov ochib, barcha ayol-qizlarni institut rektori hamda jamoasi nomidan go‘zallik va nafosat ayyomi 8 mart – xalqaro Xotin-qizlar kuni bayrami bilan chin yurakdan muborakbod etdi va bayram bilan tabrikladi. Yurtimiz ilm-faniga munosib hissa qo‘shgan va hozirda faoliyat olib borayotgan olima ayollarga uzoq umr, sihat-salomatlik, baxt va omad, oilaviy tinchlik xotirjamlik tiladi. So‘ngra barcha ayol-qizlarga qimmatbaho esdalik sovg'alari hamda anvoyi gullar taqdim etildi.

Shundan so‘ng tadbirning bayram qismi boshlanib, unda sho‘x va mumtoz kuy-qo‘shiqlar, qiziqarli o‘yinlar, QVZ terma jamoasining hazil-mutoyibaga boy chiqishlari, O‘zbekiston davlat san'at va madaniyat institutidan tashrif buyurgan amaliyotchi talabalar hamda “Baxt” guruhining bayram dasturlari havola etildi.

Tadbir davomida so‘zga chiqqanlar kecha tashkilotchilariga o‘z minnatdorchiliklarini bildirib, barchani bayram bilan qutlashdi.