Moskvaning markazida joylashgan Ukraina elchixonasi qo‘riqlanishi kuchaytirildi, deb xabar bermoqda "Interfaks" axborot agentligi.
Ma'lum qilinishicha, huquq-tartibot muassasalari elchixona binosi yonidagi trotuarni metall to‘siqlar bilan o‘rab olishgan.
Elchixona yonida 4 avtobus politsiyachilar navbatchilik qilmoqda, bir necha o‘nlab politsiyachilar elchixonani tashqaridan qo‘riqlamoqda.
Bunday choralar ko‘rilishiga Rossiyaning Kiyevdagi elchixonasiga qilingan hujumlar sabab bo‘lmoqda. Hukumat Ukraina elchixonasiga javob hujumlari uyushtirilishi mumkinligidan xavotirlanmoqda.
