Milliarder Ilon Maskning Tesla kompaniyasi modellar qatorida narx bo‘yicha eng quyi pog‘onani egallaydigan yangi elektromobili bo‘lmish Tesla 3 modeli 31 mart kunida namoyish qilinadi, deb xabar bermoqda Fortune nashri.

Avtomobil markasining klub forumida Tesla 3 taqdimotiga taklifnoma chop etildi. Bu tadbir Janubiy Kaliforniyada o‘tkaziladi.

Ta'kidlanishicha, Mask avtomobil bozorining hamyonbop avtomobillar segmentiga kirishni rejalashtirmoqda, chunki yangi avtomobilning narxi 35 ming dollarni tashkil qilishi taxmin qilingan. Bu narx Tesla S sedani narxidan deyarli ikki barobar arzonroqni tashkil qiladi.

Avvalroq Bloomberg agentligi elektromobillarning ko‘plab ishlab chiqarilishi neft narxining yanada pastlashiga sabab bo‘lishini ma'lum qilgandi.