Rossiya prezidenti Vladimir Putin dunyoning birinchi ayol-kosmonavti Valentina Tereshkovani tug‘ilgan kuni bilan shaxsan qutlab, uning metin irodasi va faol xayot tarziga hurmatini bildirdi.

“Sizni haqli ravishda yorqin, o‘ziga xos shaxs, milliy va jahon kosmonavtikasining haqiqiy afsonasi sifatida e'tirof etadilar. Kuchli xarakter, chuqur bilim, faol xayotiy va fuqarolik yondoshuvingiz Sizga o‘z maqsadlaringizga erishish, boy kasbiy va ijodiy qobiliyatingizni namoyon etishga doimo yordam bergan”, - deyiladi tabrik telegrammasida.
Davlat rahbari fazogir ayolga omad, salomatlik va barcha yaxshi niyatlarni tiladi.

Dunyoning birinchi ayol-kosmonavti Valentina Tereshkova 1937 yil 6 mart kuni tug‘ilgan, bu yil u 79 yoshga to‘ldi.