Sovsport.ru portali 5 mart kuni Grozniyda Ruslan Chagayev va avstraliyalik Lukas Braun o‘rtasidagi jang vaqtida kuzatilgan noodatiy holat haqida xabar berdi. Xabarda aytilishicha, Chagayev – Braun jangida 6-raund belgilangandan 16 soniya uzoqroq, 7-raund esa 43 soniya kamroq davom etgani qayd qilindi.

Eslatib o‘tamiz, jangning 10-raundida Chagayev kuchli zarba o‘tkazib yubordi va oyoqqa turgach yana bir necha zarbalarni o‘tkazib yuborgandan keyin referi jangni to‘xtatishga qaror qildi. Shu tariqa Braun texnik nokaut bilan jang g‘olibi deb topildi.

Jangning 6- va 7-raundlarida esa noodatiy holat kuzatilgani qayd qilinmoqda.

6-raundning 2-daqiqa 22-soniyasida Chagayev Braunni nokdaun holatiga uchratdi, biroq zarba Braunni muvozanatdan chiqara olmadi. Bu yerda ko‘proq Braun oyog‘ida noto‘g‘ri harakatlangani nokdaunga sabab bo‘lgan. Chagayevda raqibini yanada mushkul vaziyatga tushirishga anchagina vaqt bor edi. Qoidaga ko‘ra, vaqt hisoblagichi raund tugashiga 10 soniya qolganda ekranlardan yo‘qoladi. Shu vaqt oralig‘ida Chagayev raqibiga bir nechta zarba berishga ulgurdi. Keyinroq aniqlanishicha, qolgan 10 soniya o‘rniga jang 16 soniyaga uzoqroq, ya'ni 26 soniya davom etgan.

Bu yerda sekundant-hakam vaqtni hisoblashda yanglishgan bo‘lishi mumkin, deb taxmin qilish ham mumkin. Biroq 7-raundda vaqtning noto‘g‘ri hisoblanishi yana bir bor kuzatildi. Biroq endi raund belgilangandan uzoqroq emas, balki anchagina qisqa davom etdi. Chagayev raundning boshida va o‘rtasida bir nechta zarbalarni o‘tkazib yubordi va raund kutilmaganda 43 soniyaga kamroq davom etdi. Yana Chagayev foydasiga.

"Jangni sharhlayotgan Grigoriy Stangrit va Boris Skripkoning bu holatdan tillari kalimaga kelmay qolgani istalgan so‘zlardan ko‘ra vaziyatning qaltisligini yaxshiroq izohlaydi", deyiladi xabarda.

Qanday qilib shunday xatoga yo‘l qo‘yish mumkin, degan savollar tug‘ildi. Biror tomonga 5 soniyaga adashish mumkindir, biroq shunday katta farqqa adashish aqlbovar qilmas holatdir, deyildi. Zamonaviy boksda hali bunday holat kuzatilmagan.

Ko‘p yillik tajribaga ega referi Pet Rassell shu tariqa Timoti Bredli – Jyessi Vargas jangini to‘xtatgandi. Keyinroq torrentlarda bu borada "Jang to‘liq yuklanmagan, oxirgi 5 soniya qani?", degan kinoyalar ham bildirilgandi.

Biroq Grozniyda yuz bergan holat "hech qanday darvozaga sig‘maydi", deb ta'kidlanmoqda portalda.