Angliya chempionatining 29-turida London derbisida musobaqa jadvalining 2- va 3-o‘rnini egallayotgan "Tottenxem" va "Arsenal" jamoalari "Uayt Xart Leyn" stadionida 2:2 hisobida durang natija qayd qilishdi.

Hisobni "Arsenal" yarimhimoyachisi Aaron Remsi 39-daqiqada ochdi. "Tottenxem" himoyachisi Tobi Alderveyreld 60-daqida hisobni tenglashtirdi. 2-daqiqa o‘tib hujumchi Garri Keyn mezbonlarni hisobda oldinga olib chiqdi. "Arsenal" Aleksis Sanchesning 76-daqiqadagi goli evaziga mag‘lubiyatdan saqlanib qoldi.
Ta'kidlash joizki, "Arsenal" 55-daqiqadan keyin yarimhimoyachi Fransis Koklen o‘yindan chetlatilgandan keyin ozchilik bo‘lib harakat qildi.

Shu tariqa "Tottenxem" 55 ochko bilan 2-o‘rinni, "Arsenal" esa 52 ochko bilan 3-o‘rinni egallamoqda.

Angliya Premer-ligasi. 29-tur
Tottenxem Xotspur – Arsenal – 2:2
Gollar: Remsi, 39 (0:1); Alderveyreld, 60 (1:1); Keyn, 62 (2:1); Sanches, 76 (2:2).
Chetlatish: Koklen, 55 (Arsenal)

4-o‘rinni egallayotgan "Manchester Siti" o‘z maydonida musobaqa autsayderi "Aston Villa"ni 4:0 hisobida mag‘lub etdi. Serxio Aguero dubl qayd qildi, Yaya Ture va Rahim Sterling o‘z hisoblariga bittadan to‘p yozib qo‘yishdi.

Manchester Siti – Aston Villa – 4:0
Gollar: Ture, 48 (1:0); Aguero, 50 (2:0); Aguero, 60 (3:0); Sterling, 66 (4:0).
Amalga oshirilmagan penalti: Aguero, 73 (Manchester Siti).

Turning qolgan uchrashuvlari quyidagicha yakunlandi:

Chelsi – Stok Siti – 1:1
Gollar: Traore, 39 (1:0); Diuf, 85 (1:1).

Everton – Vest Xem Yunayted – 2:3
Gollar: Lukaku, 13 (1:0); Lennon, 56 (2:0); Antonio, 78 (2:1); Saxo, 81 (2:2); Payyet, 90 (2:3).
Amalga oshirilmagan penalti: Lukaku, 69 (Everton)
Chetlatish: Miralyas, 34 (Everton).

Suonsi Siti – Norvich Siti – 1:0
Gol: Sigurdsson, 61 (1:0).

Sautgempton – Sanderlend – 1:1
Gollar: Defo, 85 (0:1); van Deyk, 90+3 (1:1).
Chetlatish: Fonte, 79 (Sautgempton)

Nyukasl Yunayted – Bornmut – 1:3
Gollar: Teylor, 28 (0:1, avtogol); King, 70 (0:2); Peres, 80 (1:2); Deniyels, 90+2 (1:3).