Ma'lumki, Samsung MWC 2016 ko‘rgazmasida nafaqat Galaxy S7 va Galaxy S7 Edge smartfonlari, balki ularning aksessuarlari ham namoyish qilindi.

Kompaniya qo‘shimcha akkumulyatorga ega bo‘lgan Backpack chexoli, yechiluvchi QWERTY-klaviaturasi va indikatorga ega bo‘lgan flip-keysni taqdim etdi.

Bu ro‘yxat bilan yangiliklar tugab qolmaydi. Shu ma'lum bo‘ldiki, kompaniya yechiluvchi obektivlar o‘rnatilgan Samsung Lens Cover chexolini ham namoyish qildi. Aksessuar silikon chexol va obektivlarni ulash uchun smartfon kamerasi o‘rnida joylashgan rez'ba uyasidan tashkil topgan.

Qurilma egalari ikki obektivdan birini o‘rnatib olishlari mumkin: teleobektiv-suratni mustaqil ravishda kattalashtirish uchun va oddiy keng burchakli obektiv.

Foydalanuvchilarning fikriga ko‘ra, aksessuarlar o‘z vazifasini yaxshi uddalamoqda.

Bundan tashqari, foydalanuvchilar linzalarni to‘g‘rilashlari va sozlashlari shart emas, chunki bu aksessuarlar maxsus Galaxy S7 uchun chiqarilgan.

Samsung Lens Cover chexolini kompaniyaning rasmiy saytidan topish mumkin, lekin uning sotuvga qachon chiqishi noma'lumligicha qolgan.