Qozog‘iston prezidenti Nursulton Nazarboyev sudyalik lavozimi nomzodlarini qattiqqo‘llik bilan tanlash to‘g‘risida qaror qabul qildi.

Qonunga binoan, sudyalik stajirovkasiga faqat Qozog‘iston Respublikasining 25 yoshga yetgan fuqarolari kiritiladi;

oliy huquqiy ma'lumotga ega, yuqori ahloq-intizomli, sha'niga dog‘ tushmagan, va, qoidaga asosan, sudda kotib, konsultant-yordamchi, prokuror, advokat sifatida kamida besh yil, yoki boshqa huquqiy kasbda kamida o‘n yil faoliyat yuritgan;

amal qilish muddati o‘tib ketmagan muvofiqlik imtihonini topshirgan;

sudyalik lavozimining professional majburiyatlarini bajarishga to‘sqinlik qiluvchi kasalliklari yo‘q ekanini tasdiqlovchi tibbiy ko‘rikdan o‘tgan bo‘lishi lozim.