Turkiya prezidenti Rajab Toyib Erdo‘g‘an Rossiya samolyotlari havo hududlari chegaralarini buzishda davom etayotgani haqida ma'lum qildi. Bu haqda u Anqaradagi chiqishi vaqtida ma'lum qilgan.
Uning aytishicha, Rossiyaning Su-24 samolyoti havo chegaralarini buzib o‘tgani uchun turklar tomonidan urib tushirilganiga qaramasdan, keyingi 3 oy davomida yana shu holat davom etmoqda.
Yanvar oyi oxirida mamlakat tashqi ishlar vaziri Mavlyut Chovusho‘g‘li Su-24 bilan bog‘liq hodisaga munosabat bildirib, Turkiya havo chegarasi ochiqdan-ochiq buzilgani haqida aytgandi. U Rossiya bu uchun javobgarlikni zimmasiga olishiga ishonch bildirgan.
