Ispaniyaning «Selta» klubi hujumchisi Nolito faoliyatini Kataloniyaning «Barselona» klubida davom ettiradi.

Sports.es nashri bergan ma'lumotga ko‘ra, galisiyaliklar rahbariyati qishki transferlar paytida 29 yoshli futbolchini «Barselona»ga keyinchalik sotib olish huquqi bilan ijaraga berishdan bosh tortgandi. Ammo «Selta» yozda futbolchini uning shartnomasida ko‘rsatilgan 18 million yevro tovon pulidan ham arzonroqqa sotishga rozilik bergan.

O‘z navbatida, kataloniyaliklar ham futbolchi uchun yozda pul sarflashga tayyor bo‘lib turishibdi. Nolitoning uzoq muddatga safdan chiqqani uchun ham transferning yozda amalga oshishiga sabab bo‘lib xizmat qiladi.

«Ko‘k-anorranglilar»ning yozdagi eng asosiy maqsadi jamoaning asosiy tarkibiga mos markaziy himoyachi sotib olish bo‘lib turibdi. Shuningdek, klub hujumni orqa chiziqdan qo‘llab-quvvatlashi mumkin bo‘lgan, zaxiradan bo‘lsada maydonga tushishga rozi bo‘lgan futbolchi xarid qilishni ham istamoqda.

Bosh murabbiy Luis Enrikening fikricha, Nolito bu boradagi eng yaxshi variant hisoblanadi. 45 yoshli mutaxassis boshqa nomzodlarni ko‘rib chiqishni istamayapti.